Umibig Ako Sa Babae rin Na Gaya Ko (Ghazer Ronquillo)

Naranasan ko na ang magmahal ng lalaki

Hindi isa, dalawa kung hindi marami

Sa mga naunang araw naging masaya kami

Pero di nagtagal, sa hiwalayan din nauwi.

Noo'y aking naisip subukan

Ang magmahal ng babaeng kilos ay Adan

Naging masaya ako kaya tuloy tuloy lang

Ilang taon ang lumipas, ako'y kanya ding iniwan.

Umiyak ako ng paulit ulit na parang di ko na kaya

Ang umibig sa kapwa babae, ayoko ng maulit pa

Humanap ng lalaki na sa aki'y magbibigay halaga

Buo na aking loob, iibig akong muli pero sa lalaki na.

Hanggang sa aking makilala

Taong dumilig sa puso kong lanta
Ang sinabi kong sa babae ay di na muling iibig pa
Nagbagong bigla dahil mahal na kita.

Sa mga panahong ikaw ang kasama ko
Isang bagay ang sa akin ay pinatunayan mo
Na bilyon bilyon man ang lalaki sa mundo
Nahanap ko ang tunay na pagmamahal sa babaeng kagaya mo.

Sa buhay kong ito'y wala ng mahihiling pa
Wala ng mas sasaya pa sa habang buhay na makasama ka
Mahal kita at di na yun magbabago pa
Mahal na mahal kita kahit babae ka pa.